 Մադրիդի «Ռեալի» գլխավոր մարզչի օգնական Այտոր Կարանկան Իսպանիայի առաջնության 35-րդ տուրի «Բարսելոնայի» հետ հանդիպումից հետո (2:1) հայտարարել է, որ դեռ վաղ է առաջնությունն ավարտված համարել: - Չեմպիոնության հարցը դեռ որոշված չէ: Մեր առջև դեռ մի քանի խաղ կա և մենք պետք է շատ աշխատենք: Երկրպագուներին դուր է գալիս, թե ինչպես է խաղում թիմը: Այժմ մենք պետք է կենտրոնանանք Չեմպիոնների լիգայի վրա: Արդեն գիտենք, թե ինչ մթնոլորտ է սպասվում «Սանտյագո Բերնաբեոյում» «Բավարիայի» դեմ խաղում: Այս երեք միավորը մեզ վստահություն է հաղորդում, պետք է շարունակել համառորեն աշխատել: Ինձ համար Կրիշտիանո Ռոնալդուն աշխարհի լավագույն ֆուտբոլիստն է: Նա միշտ հայտնվում է վճռական պահերին,- Կարանկայի խոսքերն է մեջբերում «Ռեալի» պաշտոնական Twitter-ը:
| 
