«Բարսելոնան» համաձայնություն է ձեռք բերել Լոնդոնի «Տոտենհեմի» պաշտպան Գարետ Գեյլի հետ` կատալոնական ակումբ տեղափոխության վերաբերյալ, տեղեկացնում է Marca-ն:

Իսպանական ակումբը մտադիր է ուելսցու համար վճարել 40 մլն եվրո: Անձամբ Բեյլը համաձայն է հինգ տարով պայմանագիր ստորագրել` տարեկան 5 մլն եվրո աշխատավարձով:

Այդուհանդերձ ակումբները դեռևս վերջնական պայմանավորվածություն ձեռք չեն բերել: «Կապտանռնագույները» հուսով են, որ Բեյլին կհաջողվի համոզել լոնդոնցիների ղեկավարությանը` ընդառաջ գնալ:

Հիշեցնենք, որ Անգլիայի առաջնության ավարտից մեկ տուր առաջ «Տոտենհեմը» զբաղեցնում է 4-րդ հորիզոնականը` մեկ միավորով գերազանցելով «Նյուքասլին»:

Ավելի վաղ Բեյլը հայտարարել էր, որ կլքի ակումբը, եթե այն չհայտնվի Չեմպիոնների լիգայում: Իհարկե 4-րդ հորիզոնականը մրցաշարային աղյուսակում «Տոտենհեմի» համար դեռ չի ապահովում Չեմպիոնների լիգայի ուղեգիր:

Եթե մայիսի 19-ին «Չելսին» հաջողության հասնի «Բավարիայի» հետ եզրափակիչ խաղում, ինքստինքյան նվաճում է ՉԼ ուղեգիր Պրեմիեր լիգայի 4-րդ հորիզոնականը գրաված թիմի փոխարեն: