Մադրիդի «Ռեալի» նախագահ Ֆլորենտինո Պերեսը կարծիք է հայտնել, որ «Արքայական ակումբը» ծնվել է տիտղոսներ նվաճելու համար` ընդգծելով, որ Մոուրինյոն պատմություն կերտեց թիմի հետ:
«Մենք իրագործեցինք նախորդ տարի տված մեր խոստումը, որ կվերադառնանք: Այս ակումբը ծնվել է հաղթանակներ տոնելու և դրանից երբեք չհոգնելու համար:
Այս թիմն արդեն իսկ մեր ակումբի լեգենդի մի մասն է: Նրանց համարներն անհնար կլինի մոռանալ: Մենք այս տիտղոսը նվաճեցինք մեր 110-ամյակին ու վստահ ենք, որ արեցինք դա այն արժեքների շնորհիվ, որ մեզ էր փոխանցվել սերունդներից:
Այս ակումբի տաղանդը, նվիրվածությունը, զոհաբերության զգացողությունն ու պաշտպանությունը ձևավորել են ուժեղ կազմ, որը նվաճեց տիտղոսը հրաշալի մարզչի հետ, ով մադրիդցիների սրտում է»,-Պերեսի խոսքերն է մեջբերում Goal.com-ը: