Չեմպիոնների լիգայից դուրս մնալուց հետո «Բարսելոնի» գլխավոր մարզիչ Խոսեպ Գվարդիոլան հասկացրել է, որ կարող է լքել կատալոնյան ակումբը: Հիշեցնենք, որ «Բարսան» բոլորովին վերջերս սեփական հարկի տակ կայացած խաղում զիջել է «Ռեալին» և գործնականում զրկվել Իսպանիայի չեմպիոնի կոչման համար պայքարելու հնարավորությունից:
«Մոտակա օրերի ընթացքում ես կորոշեմ` շարունակե՞լ աշխատանքը «Բարսելոնում», թե՞ ոչ: Ստեղծված իրավիճակի հետ կապված հարցերը կքննարկենք ակումբի ղեկավարության հետ, որից հետո միայն որոշում կկայացնենք: Եկել է նման զրույց վարելու ժամանակը»,- ասել է Գվարդիոլան:
Ի դեպ, շատ ակումբներ են ցանկանում հրավիրել Գվարդիոլային: Օրինակ` իտալական ԶԼՄ-ների տեղեկատվության համաձայն` «Միլանի» նախագահ Սիլվիո Բեռլուսկոնին հույս է հայտնել, որ հաջորդ մրցաշրջանում Գվարդիոլան կգլխավորի իտալական ակումբը: Պաշտոնական ոչ մի տեղեկատվություն առայժմ չկա, սակայն, եթե հաշվի առնենք կատալոնյան թիմի վերջին անհաջողությունները, մարզիչն այժմ ավելի շատ է հակված փոփոխությունների: