Շվեդ հարձակվող Զլատան Իբրահիմովիչը Չեմպիոնների լիգայի քառորդ եզրափակիչում «Բարսելոնայից» կրած պարտությունից հետո հայտարարել է, որ «Միլանը» ՈՒԵՖԱ-ի դավադրության զոհը դարձավ և նշել է, որ այժմ հասկանում է, թե ինչու է Մոուրինյոն այդքան «անտրամադիր» հեռանում «Կամպ Նոուից»:
«Ինչպես նա կարող էր հենց այդպես 11 մետրանոց նշանակել: Եթե նա այդպիսի որոշում կայացրեց, պետք է նաև նշանակեր 11 մետրանոց նաև իմ դեպքում: Ամոթ է: Ես չէի կարողանում հավատալ:
Երևում է, ՈւԵՖԱ-ն կոնկրետ երկու թիմ է ցանկանում տեսնել մրցաշարի եզրափակիչում: Հիմա ես հասկանում եմ, թե ինչպես է իրեն զգում Մոուրինյոն ամեն անգամ, երբ նա գալիս է «Կամպ Նոու»,- նշել է Իբրահիմովիչը Mediaset-ի հետ զրույցում:
|