«Ռեալի» գլխավոր մարզիչ Ժոզե Մոուրինյոն գովեստիխոսքեր է ասել իր սաների հասցեին, ովքեր հաղթանակով ավարտեցին առաջնությունն ու նոր ռեկորդ սահմանեցին Լա լիգայում:
«Կցանկանայի շնորհակալություն հայտնել բոլորին այս կախարդական երեկոյի համար: Ֆուտբոլի պատմության մեջ որպես լավագույն թիմ` «Արքայական ակումբը» փորձեց նվաճել բոլոր տիտղոսները:
Այս թիմը պատմություն կերտեց` մեկ առաջնությունում վաստակելով 100 միավոր: Իսկ դա իրականացնել հաջողվեց այս տղաների շնորհիվ»,-նշել է պորտուգալացի մասնագետն ակումբի պաշտոնական կայքի հետ զրույցում:
