«Ռեալի» պաշտպան Պեպեն հավատացած է, որ «Արքայական ակումբը» կհաղթահարի Մյունխենի «Բավարիայի» արգելքը Չեմպիոնների լիգայի կիսաեզրափակիչում, որտեղ պորտուգալացի ֆուտբոլիստը դժվար պայքար է ակնկալում:
«Բավարիան» բարձրակարգ թիմ է գերազանց խաղացողներով: Մենք հույս ունենք լավ ելույթ ունենալ Մյունխենում և ճիշտ հանգուցալուծում տալով «Բերնաբեուում»' հասնել եզրափակիչ»,-ակումբի պաշտոնական կայքի հետ զրույցում նշել է Պեպեն:
Մադրիդցիների կենտրոնական պաշտպանը վստահեցրել է, որ թիմն, այնուամենայնիվ, շատ հեռուն չի նայում և այս պահին ամբողջովին կենտրոնացած է Լա լիգայի վրա:
«Առայժմ մենք խոսում ենք միայն «Վալենսիայի» դեմ հանդիպման մասին, քանի որ այդ հանդիպումից շատ բան է կախված մեզ համար»,-եզրափակել է Պեպեն:
| 
