«Ռեալի» պաշտպան Պեպեն ունի իր բացատրությունը` կապված«Բավարիայի» հետ Չեմպիոնների լիգայի կիսաեզրափակչի պատասխան խաղում անհաջողության հետ: Պեպեն համարում է, որ մեղավորը հանգստյան օրերին կայացած «Կլասիկոն» է, որում իրենք սպառեցին իրենց ուժերը:
«11 մետրանոցների հարվածաշարը վիճակախաղ է, որում բախտը չժպտաց մեզ: Հարկավոր էր մինչ այդ հասնել անհրաժեշտ արդյունքի, սակայն «Ռեալին» պարզապես չբավարարեցին ուժերը` ավելացված ժամանակահատվածում հաջողության հասնելու համար: Իսկ դրա հիմնական պատճառն այն է, որ մի քանի օր առաջ «Բարսելոնի» հետ Իսպանիայի առաջնության հանդիպումն էր, և արտագնա այդ խաղում մենք վատնեցինք մեր ողջ էներգիան: Կարծում եմ` արժանի էինք եզրափակիչ դուրս գալուն, սակայն ֆուտբոլը մնում է ֆուտբոլ: Այժմ մեզ մնում է պաշտոնապես դառնալ Իսպանիայի չեմպիոն, իսկ Չեմպիոնների լիգայի մրցաշարում կփորձենք հաջողության հասնել արդեն հաջորդ մրցաշրջանում»,- ասել է Պեպեն:
