Իսպանիայիհավաքականը Եվրո-2012-ի ժամանակ կարող է զրկվել իր լավագույն պաշտպաններից մեկից: Հարցականի տակ է մնում «Բարսելոնայի» ավագ Կառլես Պույոլի մասնակցությունը: Աշխարի և Եվրոպայի չեմպիոն փորձառու պաշտպան ֆուտբոլիստը ծնկի վնասվածք է ստացել «Էսպանյոլի» դեմ առաջնության վերջին խաղում: 34-ամյա ֆուտբոլիստն արդեն մի շարք բժշկական տեստեր է անցել, ինչից հետո կապտանռնագույնների պաշտոնաան կայքում տեղեկատվություն էր հայտնվել, որ «Բարսայի» ավագը պետք է վիրահատվի: Ակնկալվում է, որ վիրահատությունը կկայանա մայիսի 12-ին: Դրանից հետո իսպանացիների առաջատարը վեց շաբաթ կծախսի վերականգնման համար: Հիշեցնենք, որ Իսպանիայի հավաքականը Եվրոպայի առաջնությունը կսկսի հունիսի տասին կայանալիք Իտալիայի դեմ խաղով:
| 
