«Ռեալի» հարձակվող Քրիշտիանու Ռոնալդուն հայտարարել է, որ չի կարող համեմատել իրեն «Բարսելոնայի» աստղ Լիոնել Մեսիի հետ, քանի որ նրանք միանգամայն տարբեր գործողություններ են կատարում, սակայն կարծիք է հայտնել, որ այս պահին նա ավելի լավ խաղացող է:
«Երբեմն սա ինձ արդեն ձանձրացնում է: Նրան նույնպես, քանի որ մեզ անընդհատ համեմատության մեջ են դնում: Դուք չեք կարող համեմատել Ֆերարին և Պորշը, դրանք տարբեր շարժիչներ են:
Նա «Բարսելոնայի» համար է անում լավագույնը, իսկ ես` «Ռեալի»: Անհավանական է… Մենք ինքներս գերազանցում ենք մեր իսկ սահմանած ռեկորդները: Երբեմն մտածում եմ, որ երկուսիս միջև մրցակությունը մեզ առաջ է մղում, այդ պատճառով էլ մրցակցությունն այդքան սուր է ստացվում:
Ահա թե ինչու են «Ռեալն» ու «Բարսելոնան» լավագույն թիմերն աշխարհում, քանի որ յուրաքանչյուրը խթան է հանդիսանում մյուսի համար»,- նշել է պորտուգալացին CNN World Sport-ի եթերում:
«Հարցն այն չէ, թե ով է լավագույնը: Ես պարզապես չեմ սիրում համեմատվել ուրիշների հետ: Որոշներն ասում են` ես եմ լավը, ոմանք` նրան են լավագույնը համարում: Սակայն ճիշտ կլինի օրվա վերջում որոշել, թե ով էր լավագույնն այդ պահին, կարծում եմ` այս պահին դա ես եմ»: