Կիևոյի դեմ արտագնա խաղում միակ գոլի հեղինակ դարձած Սուլեյ Ալի Մունտարին խաղից հետո մեծահոգաբար իր մարզաշապիկը նվիրեց Կիևոյի գնդակ մատակարարող փոքրիկներից մեկին: Սակայն վերջինս, ցույց տալով իր սերը իր հարազատ ակումբի նկատմամբ, չժպտաց ու չուրախացավ այդ նվերից, այլ ցանկացավ այն հետ վերադարձնել գանացի ֆուտբոլիստին:
Նրան մոտեցած ավելի մեծ տղաները փորձեցին վերցնել փոքրիկից շապիկը, սակայն նա նրանց էլ չտվեց, հավանաբար ցանկանալով իր ձեռքով այն դեն նետել:
