Главная » 2011»Июль»18 » Ամերիկայի գավաթ. Բրազիլիան հետևեց Արգենտինային
12:15
Ամերիկայի գավաթ. Բրազիլիան հետևեց Արգենտինային
Ամերիկայի գավաթի խաղարկությունում սենսացիաները շարունակվում են. Արգենտինային հետևեց նաև Բրազիլիան, որը պարտվեց Պարագվային և հրաժեշտ տվեց մրցաշարին:
Չնայած այն հանգամանքին, որ բրազիլացիները, ողջ հանդիպման ընթացքում տիրում էին նախաձեռնությանը և ունենին գոլային բազում պահեր, սակայն այդպես էլ չկարողացան գրավել մրցակցի դարպասը: Մի դեպքում հուսալի էին գործում Պարագվայի պաշտպանները, իսկ մյուսում՝ հիանալի էր գործում դարպասապահ Վիլյարը: Հանդիպման հիմնական ժամանակում գոլեր չարձանագրվեցին, որ շարունակվեց նաև ավելացված խաղակեսերի ընթացքում:
Հետխաղյա 11 մետրանոց հարվածաշարում արդեն բրազիլացիները կատարյալ ձախողման ենթարկվեցին և դուրս մնացին մրցաշարից: Հարկ է նշել, որ բրազիլացիներից (Էլանո, Տ. Սիլվա, Սանթոս, Ֆրեդ) ոչ ոք չկարողացավ իրացնել 11 մետրանոց հարվածը, ընդ որում միայն մի դեպքում Վիլյարը որսած գնդակը, իսկ մնացած հարվածները շեղ էին:
Այդպիսով, Բրազիլիան, ինչպես և Արգենտինան, որոնք համարվում էին Ամերիկայի գավաթի գլխավոր ֆավորիտները, քառորդ եզրափակիչից դուրս մնացին մրցաշարից:
