Չորս որակազրկված ֆուտբոլիստներ չեն կարողանա օգնել «Չելսիի» եզրափակիչ խաղում: Կիսաեզրափակիչի պատասխան խաղում «Չելսին» ոչ-ոքի 2:2 խաղաց «Բարսելոնայի» դաշտում, և երկու խաղերի արդյունքում հաղթեց 3:2 հաշվով: Երեկ կայացած խաղում խաղադաշտից հեռացվեց լոնդոնցիների պաշտպան Ջոն Թերին, երրորդ դեղին քարտին արժանացան առաջին գոլի հեղինակ Ռամիրեսը, սերբ Բրանիսլավ Իվանովիչը և Ռաուլ Մեյրելեշը: Իսկ ընդհանուր առմամբ անգլիական ակումբից դեղին քարտով զգուշացվեցին վեց ֆուտբոլիստներ: Եզրափակիչի մյուս մասնակիցը պարզ կդառնա այսօր: Մադրիդի «Ռեալը» սեփական հարկի տակ կընդունի Մյունխենի «Բավարիային»: Առաջին խաղում հաղթել են գերմանացիները 2:1 հաշվով: Եզրափակիչ հանդիպումը տեղի կունենա մայիսի 19-ին Մյունխենի «Ալիանց Արենա» մարզադաշտում:
| 
