Բարսելոնայի ֆուտբոլիստ Սեսկ Ֆաբրեգասը գտնում է, որ մինչև առաջին «Կլասիկոն», Մադրիդի Ռեալն իր հանդիպումներում միավորներ չի կորցնի: Հիշեցնենք, որ Արքայական ակումբը արդեն ութ հանդիպում ավարտել է հաղթանակով և իր ակտիվում երեք միավոր ավելին ունի կատալոնյան ակումբից: «Վստահ եմ, որ նրանք միավորներ չեն կորցնի: Ամբողջությամբ եմ հարմարվել թիմո՞ւմ: Այո՛, կարծես ողջ կյանքս հանդես եմ եկել այս թիմում: Իսկ եթե ինչ-որ բան այն չէ, ապա Խավին՝ թիմի հնաբնակի կարգավիճակով ինձ միշտ հուշում է»,- մեջբերում է Ֆաբրեգասի խոսքերը՝ Football.ua-ն: Հավելենք նաև, որ մինչ իսպանական գրանդների առաջին դիմակայությունը, որը կայանալու է դեկտեմբերի 12-ին «Սանտյագո Բեռնաբեու» մարզադաշտում, Ռեալը սեփական հարկի տակ ընդունելու է Ատլետիկոյին և հյուրընկալվելու է Խիխոնի Սպորտինգին:
|
