«Միլանի» փոխնախագահ Ադրիանո Գալիանին հայտարարել է, որ թիմի շվեդ հարձակվող Զլատան Իբրահիմովիչը հաջորդ մրցաշրջանում կխաղա 10 համարի մարզաշապիկով: Նշենք, որ նախորդ մրցաշրջաններով Իբրահիմովիչը հանդես էր գալիս 11 համարի մարզաշապիկով: «Իբրահիմովիչը եւ Տիագու Սիլվան «Միլանի» մեր առաջատար երկու ֆուտբոլիստներն են: Մենք նրանց բաց չենք թողնի: Ես խոստացել եմ Զլատանին, որ նա հաջորդ մրցաշրջանում հանդես կգա 10 համարի մարզաշապիկով»,- Գալիանիի խոսքերն է մեջբերել Sky Sports-ը:
|