Մադրիդի «Ռեալի» դարպասապահ Իկեր Կասիլյասը անդրադարձել է Իսպանիայի առաջնության 35-րդ տուրում իր թիմի «Բարսելոնայի» նկատմամբ տարած 2:1 հաշվով հաղթանակին: - 7 միավորի առավելությունը շատ լուրջ է, բայց պետք չէ մտածել, որ մենք արդեն չեմպիոններ ենք դարձել: Մենք այդպես չէինք մտածում նաև այն ժամանակ, երբ 10 միավորի առավելություն ունեինք, որը նվազեց մինչև 4 միավորի: «Բարսելոնան» աներևակայելի բարդ մրցակից է, բայց մենք բարձրակարգ ֆուտբոլ խաղացինք ու ապացուցեցինք, որ գիտենք` ինչպես պահել մեզ այս դժվարին իրադրությունում: «Ռեալը» ապացուցեց, որ կարող է «Բարսելոնային» հավասար թիմ համարվել,- Կասիլյասի խոսքերն է մեջբերում AS պարբերականը:
|