 Ժոզե Մոուրինյոն շատ չէր տխրել պարտությունից հետո. «Հիմա բացասական զգոցողություններ չունեմ: Նախորդ տարի էլ պարտվել ենք Չեմպիոնների լիգայի կիսաեզրափակիչում և գիտեմ դա ինչ է նշանակում: Կարծում եմ, արժանի չէինք պարտության, բայց պարտվեցինք: Սա ֆուտբոլ է և առջևում պատասխան խաղն է: Մենք պետք է պատմական ռեմոնտադայի հասնենք Բեռնաբեուում: 2:1-ն այն արդյունքը չէ, որ ուզում էինք, բայց սա նորմալ արդյունք է: Մենք ավելի լավ կխաղանք մեր երկրպագուների ներկայությամբ»:
Մարզիչը պաշտպանել է Կոենտրաոյին, երբ նրան մեղադրել են երկրորդ գոլում. «Շատերը սխալներ արեցին: Նա շատ դժվար խաղ անցկացրեց: Երկրորդ գոլի դրվագը հեռու էր և ես չտեսա, թե արդյոք այնտեղ սխալ կար, թե ոչ: Բայց Կոենտրաոն ընդհանուր առմամբ լավ խաղ անցկացրեց` հաշվի առնելով նրա առջև դրված բարդ առաջադրանքները»: Մոուրինյոն կարծում է, որ արդյունքն արդարացի չէր: «Ես տեսա առաջին գոլը: Կարծում եմ, որ այնտեղ խաղից դուրս կար, բայց սա մրցավարական ստանդարտ սխալ էր ու ոչինչ ավելին»:
|
