81 տարեկան հասակում մահացել է Մադրիդի «Ռեալի» նախկին ֆուտբոլիստ Խոսե Մարիա Սարագան, հաղորդում է ակումբի պաշտոնական կայքը:
Այդ կապակցությամբ Չեմպիոնների լիգայի` ԱՊՕԷԼ-ի հետ քառորդ եզրափակիչ հանդիպմանը «Ռեալը» խաղադաշտ դուրս կգա սև թևկապներով, իսկ խաղից առաջ ներկաները մեկ րոպե լռությամբ կհարգեն Սարագայի հիշատակը:
Սարագան խաղացել է «Ռեալում» 1951-1962թթ: Իր թիմի կազմում նա վեց անգամ ճանաչվել է Իսպանիայի չեմպիոն, հինգ անգամ հաղթել է Չեմպիոնների գավաթը և մեկական անգամ Սարագան դարձել է Իսպանիայի գավաթի և Միջմայրցամաքային գավաթի հաղթող:
| 
