Թուրինի «Յուվենտուսի» փորձառու 37-ամյա հարձակվող Ալեսսասնդրո դել Պյերոյի ակումբի հետ գործող պայմանագրի ժամկետը չի երկարաձգվի ընթացիկ մրցաշրջանի ավարտից հետո: Նա հայտարարել է, որ պատրաստ է լքել թիմը, որի կազմում հանդես է եկել 20 տարի շարունակ, տեղեկացնում է Football-Italia.net կայքը «Դատելով իրադարձությունների զարգացումից «Նապոլիի» հետ կայանալիք Իտալիայի Գավաթի եզրափակիչ հանդիպումը կլինի իմ վերջին խաղը «Յուվենտուսի» կազմում, քանի որ ակումբի հետ կնքած պայմանագրիս ժամկետը լրանում է այս տարվա հունիսին: Այն սերը և հարգանքը, որն իմ հանդեպ տածում են «Յուվեի» երկրպագուները, մեծ նշանակություն ունեն ինձ համար: Պետք է պատասխանատու գտնվել և դրական տրամադրվածությունը պահպանել թե խաղադաշտում, թե դրա սահմաններից դուրս»,- ասել է թուրինյան ակումբի խորհրդանիշը:
|
