Իտալիայի հավաքականի գլխավոր մարզիչ Չեզարե Պրանդելլին համոզմունք է հայտնել, որ իր գլխավորած հավաքականը կարող է Եվրո 2012-ի չեմպիոն դառնալ: «Ըստ իս` ցանկացած թիմի մարզիչ մինչև հանդիպման մեկնարկային սուլիչը հավատում է, որ այդ խաղում հաղթանակ է տանելու: Մենք ունենք փորձ ուժեղ թիմերի հետ խաղալ, ինչպես նաև վստահություն, որը կօգնի մեզ այս մրցաշարում: Մենք կարող ենք Եվրո2012-ի չեմպիոն դառնալ: Ծանր պահերին մենք իրար օգնում ենք: Միասնական թիմ ենք, որը լավ ֆուտբոլ է խաղում»,- ասել է Պրանդելլին: Հիշեցնենք, որ Իտալիայի հավաքականը Եվրո 2012-ի C խմբում կխաղա Իսպանիայի, Խորվաթիայի և Իռլանսիայի հետ:
|