Մադրիդի «Ռեալի» կիսապաշտպան Խաբի Ալոնսոն խոստովանել է, որ «Բավարիայի» հետ Չեմպիոնների լիգայի կիսաեզրափակչի պատասխան հանդիպման հաջող մեկնարկից և 2 արագ գոլից հետո իր թիմին չհաջողվեց վերահսկել իրավիճակը, ինչի արդյունքում էլ գոլ բաց թողեց, իսկ այնուհետև պարտվեց 11 մետրանոցներով: Խաբին նաև շնորհավորել է մյունխենցիներին` եզրափակիչ դուրս գալու առիթով:
«Սա ոչ բավարար արդյունք էր մեզ համար, որը պետք արագ մոռանալ: Հանդիպման մեկնարկը հիանալի էր, մեզ հաջողվեց 2 գոլ խփել: Ամոթ է, որ չկարողացանք պահպանել հաշիվն ու հասնել ցանկալի արդյունքի: Ավելացված ժամանակում ֆուտբոլիստները հոգնել էին, ինչն զգացվեց 11 մետրանոցներն իրացնելիս: «Բավարիան» հիասքանչ թիմ է: Իհարկե, հիասթափված ենք, սակայն կկարողանաք հաղթահարել այս ծանր պահը` հանուն ֆուտբոլային պատվի: Մենք տեսանք միլիոնների խաղի հակառակ կողմը, բայց գիտակցում ենք, որ ամեն ինչ հնարավոր է: Շնորհավորում եմ «Բավարիային» և ցանկանում եմ նրան հաջողություն»,- ասել է Ալոնսոն:
Հիշեցնենք, որ Չեմպիոնների լիգայի եզրափակիչ հանդիպումը կկայանա մայիսի 19-ին, Մյունխենում: Պատվավոր մրցանակի համար կպայքարեն «Բավարիան» ու «Չելսին»:
