«Բարսելոնայի» գլխավոր մարզիչ Խոսեպ Գվարդիոլան Իսպանիայի առաջնության 35-րդ տուրի Մադրիդի «Ռեալի» դեմ վճռական հանդիպումից հետո (1:2) կիսվել է իր տպավորություններով: - Նախ և առաջ շնորհավորում եմ «Ռեալի» հաղթանակը: Նրանք այսօր ապացուցեցին, որ հանդիսանում են Իսպանիայի չեմպիոնները: Մենք լավ էինք վերահսկում մադրիդցիների հակագրոհները, որոնք այդքան էլ շատ գոլային պահեր չունեին, չնայած խաղավերջում մեկ-երկու պահ ունեցան: Ինձ անհարմար եմ զգում «Բարսելոնայի» երկրպագուների առջև, բայց մեր ֆուտբոլիստները վերջին տարիների ընթացքում միշտ էլ խաղադաշտում մեծ նվիրումով են խաղացել, այնպես որ հուսով եմ, որ երկրպագուները մեզ կհասկանան: Այժմ ֆուտբոլիստները պետք է մի փոքր հանգստանան, որից հետո կկենտրոնանք «Չելսիի» դեմ խաղի վրա: Տեսնենք' թիմի ոգին այս պարտությունից կտուժի՞: Ինչու չխաղաց Պիկե՞ն: Խաղադաշտ կարող են դուրս գալ միայն 11 ֆուտբոլիստներ, և ես խաղադաշտ եմ դուրս բերում այն կազմը, որը այդ պահին համապատասխանում է իմ ընտրած մարտավարությանը: Տելլոնշատ լավ հանդիպում անցկացրեց, թե' պաշտպանությունում, թե' հարձակման գծում շատ աշխատեց: Այս թիմում այդքան էլ հեշտ չէ խաղալ եզրերով: Տելլոն լավ պահեր ուներ,- «կապտանռնագույնների» գլխավոր մարզչի խոսքերն է մեջբերում AS-ը:
|