ԵՎՐՈ-2012-ի շրջանակներում, Սլովակիա-Հայաստան մրցավեճի խաղավարտից առաջ (0-4), փառահեղ հաղթանակի հիմքը դրած Յուրա Մովսիսյանը, վնասվածքի պատճառով, փոխարինվեց հանդիպման 86-րդ րոպեին: Մտահոգություն կար, որ Մովսիսյանի վնասվածքը կարող է լուրջ լինել, սակայն բարեբախտաբար դա այդպես չէ: 

Պատասխանելով Gol-bet.com կայքի հարցին, մեր հավաքականի հարձակման գծի առաջատարը նշել է, որ ամեն ինչ լավ է և նա կկարողանա խաղադաշտ դուրս գալ Կրասնոդարի՝ առաջիկա շաբաթ օրը կայանալիք Ռուբինի հետ հանդիպմանը: 

Հիշեցնենք, որ Յուրա Մովսիսյանը, Սլովակիայի դեմ խաղում, 57-րդ րոպեին դարձավ առաջին գոլի հեղինակը, որով էլ սկբնավորվեց Հայաստանի ազգային հավաքականի պատմական հաղթանակը: