Անցնող այս շաբաթվա սկզբում, բրիտանական և այլ երկրների մամուլում գրեթե կայացած էին համարում Արսենալի ֆրանսիացի կիսապաշտպան Սամիր Նասրիի՝ Մանչեթեր Սիթի տեղափոխվելու փաստը: Մինչև անգամ նշվում էր, որ արդեն ուրբաթ կլինի պաշտոնական հայտարարություն, սակայն ինչպես տեսնում ենխ ուրբաթն անցավ և ոչ մի նորություն չկա, թե Նասրին արդեն Սիթիում է: Փոխարենը, արաջ է քաշվում նոր սցենար, որի դեպքում միայն Արսենալը կհամաձայնի հրաժարվել Նասրիի ծառայություններից:

Այդպիսով, ըստ The Sun-ի, ... Читать дальше »

Բրիտանական և իսպանական լրատվամիջոցները հաղորդում են, որ Մադրիդի Ռեալը մերժել է Լիվերպուլի առաջարկը, որը ցանկանում էր ձեռք բերել Արքայական ակումբի արգենտինացի հարձակվող Գոնսալո Իգուաինին: 

Վերջինիս համար, Լիվերպուլը պատրաստ էր վճարել 25 միլիոն եվրո:

Մադրիդի Ռեալի գլխավոր մարզիչ Ժոզե Մոուրինիոն, գալիք մրցաշրջանում, մեծ հույսեր է կապում Քարիմ Բենզեմայի հետ: Պորտուգալացի մասնագետը գտնում է, որ ֆրանսիացի հարձակվողն սկսել է ավելի լավ հանդես գալ և ցուցադրելու է հիանալի խաղ գալիք մրցաշրջանում:

«Բենզեման այս տարի ավելի լավ է հանդես գալիս: Նա ունի բոլոր նախադրյալները, որպեսզի մրցաշրջանում ցուցադրի հիանալի խաղ: Կարծում եմ, որ ինձ հաջողվել է նրան որոշ բաներում համոզել»,- ասել է Մոուրինիոն:

ItaSportPress-ի տեղեկությունների համաձայն, Մախաչկալայի Անժին նշանառության տակ է առել Ինտերի նախկին ֆուտբոլիստ Մարկո Մատերացցիին: Վերջինս այժմ ունի ազատ ֆուտբոլիստի կարգավիճակ, քանի որ նախորդ մրցաշրջանի ավարտից հետո, երկրողմանի համաձայնությամբ խզվեց նրա պայմանագիրն Ինտերի հետ:

Հավելենք, որ Մատերացցիի ծառայություններով հետաքրքրված են գերմանական Շտուտգարդը և ամերիկյան MLS-ը ներկայացնող մի շարք ակումբներ:

Երևանի Փյունիկի պաշտոնական կայքից տեղեկանում ենք, որ ակումբի հարձակվող Էդգար Մանուչարյանը տեղափոխվում է ռուսական առաջին դիվիզիոնը ներկայացնող Եկատերինբուրգի Ուրալ: 

24-ամյա հարձակվողը, Ուրալ է տեղափոխվում վարձավճարով, ուր հանդես կգա մեկ տարի ժամկետով:

Լոնդոնի Արսենալը ձեռք կբերի Կոստա-Ռիկայի հավաքականի 19-ամյա ֆուտբոլիստ Ջոել Քեմբելին, քանի որ վերջինիս տրանսֆերի շուրջ համաձայնության է եկել Դեպորտիվո Սապրիսա ակումբի հետ:

Ըստ ESPN-ի, երիտասարդ ֆուտբոլիստի տրանսֆերի համար լոնդոնյան ակումբը կվճարի մեկ միլիոն ֆունտ ստեռլինգ:

Լոնդոնի Չելսիի ֆրանսիացի հարձակվող Նիկոլա Անելկան ֆուտբոլային իր կարիերան կարող է շարունակել գերմանական Համբուրգում, քանի որ նրա ծառայություններով լրջորեն հետաքրքրված է Համբուրգը:

32-ամյա Անելկան արդեն բանակցել է Համբուրգի մարզական տնօրեն Ֆրանկ Արնեսենի հետ և քննարկել երկամյա համագործակցության պայմանները:

Իսպանիայի Սուպերգավաթի շրջանակներում, վաղը (14/08), Ռեալի հետ կայանալիք առաջին հանդիպմանը, Բարսելոնայի կազմում կարող է խաղադաշտ դուրս գալ Խերարդ Պիկեն, ով հասցրել է վերականգնվել Իտալիա-Իսպանիա ընկերական հանդիպման ընթացքում ստացած վնասվածքից, տեղեկացնում է Marca-ն:

Սակայն շարունակում է կասկածի տակ մնալ նույն օրը վնասվածք ստացած Սերխիո Բուսկետսի մասնակցության հարցը, ով ունի ազդրի հետ կապված խնդիրներ: