|
Մանչեսթեր Սիթիի սկանդալային հարձակվող Մարիո Բալոտելլին կրկին հայտնվել է բրիտանական մամուլի ուշադրության կենտրոնում:
Բանն այն է, որ երեկ, Սթոք Սիթիի հետ կայացած հանդիպումից առաջ,
Մանչեսթեր Սիթիի ֆուտբոլիստները խաղադաշտ դուրս եկան շապիկներով, որոնց վրա
գրված էր «I love MCR» (ես սիրում եմ Մանչեսթերը) արտահայտությունը: Նման
շապիկների կիրառումը կապված էր Անգլիայում և մասնավորապես Մանչեսթերում,
վերջին օրերին տեղի ունեցած անկարգությունների հետ:
Միայն Բալոտելլիի մարզաշապիկի վրա էր, որ այդ գրության տակ կար հավելում
և այդ արտահայտությունն ստացել էր հետևյալ տեսքը՝ «I love MCR… City» (ես
սիրում եմ Մանչեսթեր Սիթին):
Իտալացի ֆուտբոլիստը մեկ անգամ չէ, որ նշել է, թե չի հարմարվում
Անգլիայի կյանքին և այդ պատճառով, հավանաբար, այդ արտահայտությանն
ավելացրել է Սիթի բառը՝ ընդգծելով իր վերաբերմունքը Մանչեսթեր քաղաքի
նկատմամբ:
| 
