Ինչպես տեղեկացնում է goal.com-ը, Բրազիլիան հաջորդ ամիս ընկերական հանդիպման պայմանավորվածություն է ձեռք բերել Գանայի հետ։

Հարավամերիկյան և աֆրիկյան երկրների հավաքականները ընկերական հանդիպում կանցկացնեն սեպտեմբերի 5-ին Լոնդոնում՝ «Քրևեն Քոթեջ» մարզադաշտում, որտեղ ելույթ է ունենում «Ֆուլհեմը»։

Հիշեցնենք, որ ի սկզբանե բրազիլացիները պետք է ուժերը չափեին Եգիպտոսի ընտրանու հետ սեպտեմբերի 6-ին, սակայն անվտանգության նկատառումներով այս հանդիպումը չեղյալ էր հայտարարվել։  

Վերջին անգամ Բրազիլիայի և Գանայի հավաքականները հանդիպել են 2007թ. Ստոկհոլմի «Ռեսունդա» մարզադաշտում, որտեղ նվազագույն հաշվով առավելության էին հասել աշխարհի հնգակի չեմպիոնները։