«Յուվենտուսի» փորձառու
կիսապաշտպան Անդրեա Պիրլոն գոհ է մնացել Trofeo Tim մրցաշարում իր թիմի
ցուցադրած խաղից և նշել է, որ օրեցօր թիմն ավելի լավ է հանդես գալիս,
հաղորդում է Goal.com-ը։
Անտոնիո Կոնտեի սաները, 2։1 հաշվով
«Միլանին» պարտության մատնելուց հետո, ոչ ոքի՝ 1։1, խաղացին «Ինտերի» հետ և
զիջեցին 11 մետրանոց հարվածաշարի ժամանակ (5:6)։
«Առաջին խաղակեսում մենք ցույց
տվեցինք, թե ինչի ենք ընդունակ։ Ամեն խաղից հետո մենք ավելացնում ենք։ Մենք
կիրառում ենք մարզչի փիլիսոփայությունը։ Մենք շարունակում ենք
նախապատրաստվել նոր մրցաշրջանին»,- նշել է Պիրլոն ակումբի պաշտոնական կայքի
հետ զրույցում։
«Միլանի» հետ խաղում մենք շատ
փոփոխություններ էինք կատարել և ելույթ ունեցանք մի շարք երիտասարդ
խաղացողներով։ Արդարացի է յուրաքանչյուրին խաղալու հնարավորություն տալ»։
«Ես լավ մարզավիճակում եմ, բոլորս էլ շատ ենք աշխատում մրցաշրջանի մեկնարկի նախաշեմին»։
Հիշեցնենք, որ Ա սերիայի առաջին հանդիպմանը՝ օգոստոսի 28-ին, «Յուվենտուսը» ուժերն է չափելու «Ուդինեզեի» հետ։
| 
