Հայաստանի հավաքականի դարպասապահ Ռոման Բերեզովսկին գտնում է, որ իր խաղընկեր Հենրիխ Մխիթարյանին կարելի է համեմատել Ռուստաստանի ընտրանու ավագ Անդրեյ Արշավինի հետ:

«Հենրիխին հաստատ կարելի է համեմատել Արշավինի հետ, չնայած նրանք հանդես են գալիս փոքր-ինչ խաղային այլ դիրքերում: Որոշ հարցերում Արշավինն ուժեղ է, սակայն Հենրիխը, իր թիմի համար, ավելի օգտակար ֆուտբոլիստ է»,- մասնավորապես ասել է Բերեզովսկին՝ МК в Питере  հանդեսին:

Փորձառու դարպասապահը նաև իր կարծիքն է արտահայտել Հայաստանի հավաքականի խաղամակարդակի բարձրացման վերաբերյալ. «Կարող է հնչեղ թվալ, սակայն մեր թիմին կարելի է համեմատել Բարսելոնայի հետ՝ ֆուտբոլային հասկացողությամբ և այն փաստով, որ խաղացողներից շատերը փոքր հասակից հանդես են գալիս իրար հետ և տրամադրված են կոմբինացիոն ու գեղեցիկ խաղավոճով հանդես գալու համար»: