Բարսելոնան հրաժարվել է Ալեքսիս Սանչեսի տրանսֆերից, քանի որ Բոյանը չի համաձայնել տեղափոխվել ՈՒդինեզե:
Բանն այն է, որ իտալական ակումբը Սանչեսին
վաճառելու համար Բարայից պահանջում էր մոտ 35 մլն, իսկ կատալոնյան ակումբը
առաջարկել էր 25 մլն եվրո և Բոյանին: Թվում էր, թե ամեն բան պարզ է և
չիլիացի հարձակվողը կտեղափոխվի Բարսա, սակայն վերջին պահին Կրկիչը
հրաժարվեց տեղափոխվել ՈՒդինեզե, ինչը ստիպեց կապտանռնագույններին հրաժարվել
Սանչեսի տրանսֆերից:
Ավելացնենք, որ ավելի վաղ Բոյանի գործակալ
Զորան Վեկիչը կտրականապես հերքել էր այն լուրերը, թե իբր Կրկիչը
տեղափոխվելու է Ռոմա, որն այժմ գլխավորում Բարսելոնա Բ - ի նախկին մարզիչ
Լուիս Էնրիկեն: Այս ամենից պարզ է դառնում, որ մոտ ապագայում 20 - ամյա
հարձակվողը դժվար թե որևէ այլ ակումբ տեղափոխվի:
|
