|
Միջազգային սպորտային մամուլում շարունակ խոսվում է, թե Ուեսլի
Սնեյդերը հնարավոր է լքի Ինտերը և որպես հիմնական ուղղություն մատնանշվում է
Չելսին: Պարզվում է, որ այդ խոսակցություններն այնքան էլ չեն
համապատասխանում իրականությանը, քանի որ Սնեյդերը կրկին հանդես է եկել
հայտարարությամբ և նշել, որ չի ցանկանում հեռանալ միլանյան գրանդի
ճամբարից:
«Միլանը հրաշալի քաղաք է և ես սիրում եմ այն: Շատ ուրախ եմ ինձ զգում
այստեղ և չունեմ որևէ պատճառ՝ հեռանալու համար: Ինտերում առկա է ընտանեկան
մթնոլորտ և ակումբն ունի անհրաժեշտ բոլոր պայմանները, որպեսզի մեծ
նպատակներ դնի իր առաջ»,- մասնավորապես ասել է Սնեյդերը:
|
