|
Բրիտանական Sunday Mirror-ը այսօր հրապարակել է «Բարսելոնան
պատրաստ է զոհաբերել գոլահար աստղին» վերնագիրը կրող մի հոդված, որում
նշվում է, թե կատալոնյան ակումբը մտադիր է տրանսֆերի հանել Դավիդ Վիլիային:
Աղբյուրի համաձայն, Բարսելոնան առաջարկելու է Չելսիին և Մանչեսթեր
Սիթիին, որպեսզի 40 միլիոն ֆունտ ստեռլինգով ձեռք բերեն Վիլիայի տրանսֆերը:
Այդ քայլը բացատրվում է այն հանգամանքով, որ «կապտա-նռնագույններ»-ն իրենց
տրամադրության տակ ցանկանում են ունենալ 91 միլիոն ֆունտ ստեռլինգ,
որպեսզի կարողանան իրականացնել Սեսկ Ֆաբրեգասի, Ալեքսիս Սանչեսի և Ջուզեպպե
Ռոսսիի տրանսֆերները:
Նշվում է նաև, թե տրանսֆերների համար Գվարդիոլային հատկացվել է
ընդհամենը 40 միլիոն ֆունտ ստեռլինգ, իսկ ակումբի նախագահ Սանդրո Ռոսելն իր
մենեջերին հասկացրել է, որ այլ ֆինանսավորում չի լինելու և անհրաժեշտ
գումարներ պետք է հայթայթվեն միայն ֆուտբոլիստների վաճառքից:
|
