«Արսենալի» հոլանդացի հարձակվողը շտապել է հերքել անգլիացի ֆուտբոլիստների հասցեին իր «քննադատությունը», հաղորդում է football.ua-ն:
Երեկ տարածվել էր Ռոբին վան Պերսիի հարցազրույցը, որտեղ նա մեղադրում է մի շարք անգլիացի իր կոլեգաներին
անհոգ կյանք վարելու մեջ, մասնավորապես ասվում էր. «Նման մոտեցմամբ
ֆուտբոլում երկար չես մնա' առողջությունը թույլ չի տա»:
Բայց 27-ամյա հոլանդացին արագ հերքել է դա` նշելով, որ իր խոսքերը կտրել են կոնտեկստից:
«Ես շեշտը դրել էի, այն բանի վրա, որ
եթե երկար խաղալու ցանկություն ունես, պետք է հետևես առողջությանդ:
Անգլիացի ֆուտբոլիստների հասցեին ոչ մի նուրբ ակնարկներ չեմ արել»,- ասել է
վան Պերսին:
«Ո՞վ եմ ես, որ ինչ-որ մեկին քննադատեմ: Պրեմիեր լիգան գերազանց առաջնություն է, քանի որ այստեղ խաղում են հոյակապ ֆուտբոլիստներ»:
| 
