Ինչպես հայտնի է, ռուսական լրատվամիջոցների տեղեկատվություն են տարածել այն մասին, որ ռուսական Կրասնոդարի և Հայաստանի հավաքականի հարձակվող Յուրա Մովսիսյանի ծառայություններով հետաքրքրված է Ռուսաստանի չեմպիոն Զենիթը, և պետերբուրգյան ակումբը պատրաստվում է առաջիկա ամռանը փորձել ձեռք բերել նրա տրանսֆերը: TF-ի թղթակցի` այդ տեղեկատվության մասին իր վերաբերմունքը հայտնելու խնդրանքին Մովսիսյանը հետևյալ կերպ պատասխանեց.
"Չեմ ցանկանում մեկնաբանել շահարկումները”,- ասել է ֆուտբոլիստը:
Յուրա նաև իր կարծիքը հայտնեց ամերիկյան Ռեալ Սոլթ Լեյք թիմի հետ պայմանագիր ստորագրած ֆուտբոլիստ Արթուր Աղասյանի մասին, որն այժմ խաղում է հենց այն 14 համարի մարզաշապիկով, որով Ռեալ Սոլթ Լեյքի կազմում ԱՄՆ առաջնության հաղթող է դարձել Յուրա Մովսիսյանը.
"Հուսով եմ, որ նա առաջին հերթին կկարողանա ամրապնդվել MLS-ում, որից հետո նաև կարժանանա ազգային հավաքականի ուշադրությանը”,- ընդգծել է Յուրա Մովսիսյանը:
