23:49  10.06.2011 

Քիչ առաջ ավարտվեց Ռուսաստանի Պրեմիեր-Լիգայի 12-րդ տուրը, որի շրջանակներում "Կրասնոդարը" մրցակցի հարկի տակ ուժերն էր չափում "Ռոստովի" հետ:

Հայաստանի ազգային հավաքականի հարձակվող Յուրա Մովսիսյանը, ով արդեն իսկ իր վրա է գրավել Սանկտ-Պետերբուրգի "Զենիթի" ուշադրությունը, այսօրվա խաղին հայտավորված էր "Կրասնոդարի" մեկնարկային կազմում եւ մինչեւ վերջ մասնակցեց հանդիպմանը:

Դեռ ավելին, մեր հավաքականի առաջատար հարձակվողը հանդիպման 46-րդ րոպեին, երբ դեռ նոր էր մեկնարկել երկրորդ խաղակեսը, խփեց իր թիմի երկրորդ գնդակը, որը մեծ հաշվով նպաստեց "Կրասնոդարի" արտագնա հաղթանակին:

Իսկ մինչ այդ, Յուրան Մովսիսյանը նաեւ դարձել էր գոլային փոխանցման հեղինակ, երբ նրա թիմը հավասարեցրեց հանդիպման հաշիվը:

Յուրա Մովսիսյանի թիմը "Ռոստովի" նկատմամբ հաղթանակ տարավ 3-1 հաշվով, վաստակեց 14 միավոր եւ փոքր-ինչ բարելավեց իր մրցաշարային գործերը:

Ռուսաստանի Պրեմիեր-Լիգայի 13-րդ տուրում "Կրասնոդարը" սեփական հարկի տակ ընդունելու է Նիժնի-Նովգորոդի "Վիլգային": Խաղը նախատեսված է հունիսի 14-ին: