09:49 
11.05.2011
«Միլանի» գլխավոր մարզիչ
Մասիմիլիանո Ալեգրին Իտալիայի գավաթի խաղարկության կիսաեզրափակիչ պատասխան
հանդիպմանը «Պալերմոյից» կրած պարտությունից հետո (1։2) նշել է, որ իր
թիմը խաղացել է իր հնարավորությունների չափով։
«Ես չեմ ցանկանում քննադատել իմ
խաղացողներին։ Մենք հնարավորություններ ունեինք, ընդ որում հենց առաջին իսկ
րոպեներին։ «Պալերմոն» շատ լավ էր խաղում և արժանի դուրս եկավ եզրափակիչ։
Իսկ մենք արեցինք այն ամենը, ինչ կարող էինք,սակայն հաջողությունը մեր
կողմը չէր»։
Ինչ վերաբերվում է վերջին րոպեներին
տեղի ունեցած դրվագին, երբ Իբրահիմովիչին գցել էին հակառակորդի դարպասների
մոտ... Ինձ թվաց, որ 11 մետրանոց կար։ Սակայն մրցավարը չսուլեց, ուրեմն
այլևս պետք չէ խոսել դրա մասին», - Ալեգրիի խոսքերն է մեջբերում
soccer.ru-ն՝ հղում կատարելով Football Italia-ին։
Լուսանկարը՝ Reuters Pictures
| 
