«Աշխարհի առաջնության ժամանակ հավաքականի ֆուտբոլիստների հարաբերությունները ևս իրենց դերն ունեցան մեր հաջողության մեջ: Ես վստահում եմ նրանց ու հավատում եմ, որ երկու թիմերի ֆուտբոլիստների միջև ոչինչ չի փոխվի»,-նշել է Իսպանիայի ազգային հավաքականի գլխավոր մարզիչը: 

Վիսենտե Դել Բոսկեն լավատեսորեն է մոտենում բարձրացած աղմուկին ու հույս հայտնում, որ այս կլասիկոներից հետո «Ռեալի» ու «Բարսելոնի» ֆուտբոլիստների հարաբերությունները չեն լարվի, քանի որ ընդամենը մեկ ամիս հետո նրանք պետք է միասին հանդես գան ազգային հավաքականի կազմում: 

«Աշխարհի առաջնության ժամանակ հավաքականի ֆուտբոլիստներ հարաբերությունները ևս իրենց դերն ունեցան մեր հաջողության մեջ: Ես վստահում եմ նրանց ու հավատում եմ, որ երկու թիմերի ֆուտբոլիստների միջև ոչինչ չի փոխվի»: 

Դել Բոսկեն ընդգծեց հաջողության հասնելու համար թիմում ներդաշնակ հարաբերությունների կարևորությունը: «Մեր խաղացողները միշտ էլ լավ են վերաբերվել միմյանց, ու ցանկանում եմ, որ այդպես էլ շարունակվի: Ուշագրավ դրվագներ իրոք կային, սակայն պետք չէ ողբերգություն սարքել այս ամենից: Ես վստահում եմ իմ ֆուտբոլիստներին ու հավատում, որ ամեն ինչ լավ է ավարտվելու» 

Վերջում Դել Բոսկեն հրաժարվեց մեկնաբանություններ անել «Ռեալի» ու «Բարսելոնի» միջև կայացած չորս հանդիպումների վերաբերյալ. «Արդեն բավականաչափ աղմուկ է բարձրացել այս խաղերի շուրջը, ու անթիվ մեկնաբանություններ են արվել»: