|
Մանչեսթեր Յունայթեդի գլխավոր մարզիչ Ալեքս Ֆերգյուսոնը հայտարարել է,
որ վախի զգացում չունի Բարսելոնայից, որի հետ նրա թիմը հանդես է գալու
Չեմպիոնների լիգայի եզրափակիչում, տեղեկացնում է Marca-ն: Նա նշել է նաև,
որ Բարսելոնայի հետ խաղի վերաբերյալ կխորհրդակցի Մադրիդի Ռեալի գլխավոր
մարզիչ Ժոզե Մոուրինիոյի հետ:
«Կատալոնացիներից վախենալու համար առիթ չեմ տեսնում, չնայած որ խաղալու
ենք ֆանտաստիկ թիմի դեմ: Մենք պետք է գտնենք որոշումներ՝ նրանց դեմ խաղալու
համար: Կարծում եմ, որ «Ուեմբլիում» կայանալիք խաղը կլինի բավական
որակյալ: Խաղից առաջ կխորհրդակցեմ Մոուրինիոյի հետ. մենք հաճախ ենք
զրուցում իրար հետ: Ցանկանում եմ օգտվել Ժոզեի տեղեկություններից, քանի որ
նա շատ օգտակար է այս իմաստով»,- մասնավորապես ասել է Ֆերգյուսոնը:
|
