Միլանի գործադիր տնօրեն Ադրիանո Գալլինին հայտարարել է, որ ակումբը դեռ պատրաստ չէ նոր պայմանագրերի շուրջ բանակցություններ սկսել Կլարենս Զեեդոֆի, Ալեսանդրո Նեստայի, Անդրեա Պիրլոյի և Մասսիմո Ամբրոզինի հետ: Եթե նրանց հետ ակումբը որոշի չերկարաձգել պայմանագրերը, ապա այդ բոլոր ֆուտբոլիստները, ամռանը, կստանան ազատ ֆուտբոլիստի կարգավիճակ:

«Մենք որոշել ենք չսկսել բանակցություները մինչև մրցաշրջանի ավարտը: Հիմա թիմի առջև Սկուդետտոն նվաճելու խնդիրն է դրված: Բոլոր քննարկումները կանցկացվեն առաջնության ավարտից հետո: Մենք ցանկանում ենք շնորհակալություն հայտնել ֆուտբոլիսներին և իրենց գործակալներին՝ համբերության համար: Համոզված եմ, որ նրանք բանակցություններ չեն վարել այլ ակումբների հետ, քանի որ ֆուտբոլիստներից յուրաքանչյուրի համար առաջնայինը համարվում է Միլանի հետ պայմանագրի երկարաձգումը»: