Հայաստանի հավաքականի ֆուտբոլիստ Հենրիխ Մխիթարյանն իր ակումբի՝ Դոնեցկի «Շախտյորի» հետ միասին դարձել է Ուկրաինայի չեմպիոն: 2010/11 մրցաշրջանի հաղթողի կոչումը «Շախտյորը» նվաճեց 28-րդ տուրի Դոնեցկի «Մետալուրգի» դեմ խաղում: Հենրիխ Մխիթարյանը խաղադաշտ մտավ 68-րդ րոպեին՝ փոխարինելով Ֆեռնանդինյոյին: «Մետալուրգի» կազմում ողջ հանդիպմանը մասնակցել է Կառլեն Մկրտչյանը: Հենրիխ Մխիթարյանը Դոնեցկի «Մետալուրգից» «Շախտյոր» էր տեղափոխվել 2010-ի օգոստոսի 30-ին: Մխիթարյանը մրցաշրջանի ընթացքում մասնակցել է Ուկրաինայի առաջնության 14 խաղի և դարձել է 3 գոլի հեղինակ:
Ներկայացնում ենք Մխիթարյանի՝ «Շախտյորի» կազմում լավագույն դրվագների ընտրանին Youtube կայքից: