13:52 12.05.2011

Ոչ-ոքի ավարտելով "Լևանտեի” հետ հանդիպումը` "Բարսելոնան” ժամանակից շուտ նվաճեց Իսպանիայի առաջնության հաղթողի կոչումը: Այսպիսով, կատալոնացիներն իրենց 21-րդ տիտղոսը նվաճեցին:


"Մենք շատ երջանիկ ենք, այժմ մենք պետք է վայելենք Պրիմերայում տոնած մեր հաղթանակը: Առաջնությունը հաղթելու համար պետք հնարավորինս շատ ջանքեր գործադրել”, - ասել է Ինյեստան:



"Բարսելոնայի” կիսապաշտպան Չավին ընդգծել է, որ հերթական մրցանակը Խոսեպ Գվարդիոլայի սաներին համառ պայքարի արդյունքում է տրվել:


"Մեզ համար շատ դժվար էր հաղթել այս առաջնությունը: Թիմն արժանի է գովեստի: Ես կցանկանայի շնորհավորել "Բարսայի” բոլոր երկրպագուներին: Նրանք արժանի էին այս հաջողությանը”, - նշել է Չավին:



Թիմի դարպասապահ Վիկտոր Վալդեսը հայտարարել է, որ նվաճած 4 տիտղոսներից այս մեկն ամենաբարդը տրվեց: "Մեզ համար շատ դժվար էր, քանի որ ԶԼՄ-ների կողմից ճնշումը մեծ էր, բայց մենք կարողացանք խուսափել դրանից: Մենք համառ պայքար մղեցինք և արժանիորեն չեմպիոն ճանաչվեցինք”, - ասել է Վալդեսը: