|
Վերջերս շատ է խոսվում, որ Մադրիդի Ռեալում հանդես եկող
հանրահայտ Կական, ֆուտբոլային իր կարիերան կշարունակի Լոնդոնի Չելսիում:
Սակայն այդ խոսակցությունները որևէ անգամ չեն հաստատվել ոչ անգլիական
ակումբի և ոչ էլ Կակայի կողմից:
Այնուամենայնիվ, այդ խոսակցություններն էլ ավելի ուժ են ստացել, քանի որ
բրազիլացու մայրը՝ Սիմոն Լեյտեն, Twitter սոցիալական կայքի իր էջում գրել է
հետևյալ տողերը. «Օգոստոսից մշտական բնակություն կհաստատենք Անգլիայում,
քանի որ ընտանիքով տեղափոխվում ենք Լոնդոն»:
Բանն այն է, որ Կական շատ է կապված ընտանիքի հետ, այդ իսկ պատճառով, երբ
2003 թ. նա տեղափոխվեց Եվրոպա, իր ընտանիքի շատ անդամներ հետևեցին իրեն և
բնակվում են միասին: Եթե հաշվի առնենք այդ փաստը և ուշադրություն դարձնենք
Կակայի մոր գրած տողերին, ապա կարելի է եզրակացնել, որ այնքան էլ անհիմն
չեն Կակայի՝ Չելսի տեղափոխվելու վերաբերյալ խոսակցությունները:
|
