Главная » 2011»Май»12 » Կառլեն Մկրտչյան. Մխիթարյանի ճանապարհով եմ գնում
14:15
Կառլեն Մկրտչյան. Մխիթարյանի ճանապարհով եմ գնում
15:02
12.05.2011
Հայաստանի ազգային հավաքականի և Դոնեցկի "Մետալուրգի” կիսապաշտպան Կառլեն Մկրտչյանը հարցազրույց է տվել ակումբի պաշտոնական կայքին:
Փյունիկի մասին
"Հայաստանի ուժեղագույն թիմում`
"Փյունիկում”, ես իմ նորամուտը նշել եմ 2007թ.-ին: Ամեն տարի մենք ոսկե
մեդալներ էինք նվաճում, մասնակցում էինք Չեմպիոնների լիգայի որոկավորման
փուլին: Այդ ակումբում ես բավական մեծ փորձ եմ ձեռք բերել: Մասնագետների և
երկրպագուների կարծիքով, ես ճանաչվել եմ 2010թ. Հայաստանի լավագույն
ֆուտբոլիստ: Չեմ թաքցնի, այդ փաստն իսկապես շատ հաճելի էր”:
Հայաստանի հավաքականի մասին
"Հիմանական
կազմում ինձ վստահում են կենտրոնական պաշտպանի իմ սիրած դիրքը: Այս
ընտրական փուլում Հայաստանի հավաքականը լավ ֆուտբոլ է ցուցադրում և ունի
բոլոր նախադրյալները խմբից դուրս գալու համար: Այո, մեր խմբում հանդես են
գալիս այնպիսի ուժեղագույն ընտրանիներ, ինչպիսիք են Ռուսաստանի, Իռլանդիայի
և Սլովակիայի թիմերը: Բայց մենք հաղթել ենք սլովակներին, մարտին ոչ-ոքի
ենք խաղացել ռուսների հետ: Ես խաղացել եմ ինչպես պատանեկան, այնպես էլ
երիտասարդական հավաքականներում: Այնպես որ միջազգային փորձ ունեմ”:
Մետալուրգ տեղափոխվելու մասին
"Հայաստանում
հիանալի գիտեն, թե որքան ուժեղ է Ուկրաինայի առաջնությունը: Մեր երկրում
"Մետալուրգ” ակումբը սիրում են, այս թիմի հանդիպումների մեծամասնությունը
հեռարձակվում է հեռուստատեսությամբ: Բացի դրանից, լավագույնս ինձ
ներկայացրել է Հենրիխ Մխիթարյանը: Ավելի վաղ նա հանդես է եկել
"Փյունիկում”, այնուհետև տեղափոխվել է "Մետալուրգ”: Ստացվում է, որ ես
գնում եմ նրա ճանապարհով”:
"Ինձ դուր եկավ ինչպես թիմը, այնպես
էլ մրցաշարի մակարդակը: Կարծում եմ, Ուկրաինայի առաջնությունն աշխարհի 10
ուժեղագույն առաջնություններից մեկն է: Այժմ ես պետք է առաջադիմեմ և
կարողանամ օգտակար լինել "Մետալուրգին”: Թիմի բազան հիանալի է: Այստեղ կա
այն ամենն, ինչ հարկավոր է արդյունավետ աշխատանքի համար: Մեր մարզադաշտը
շատ հարմարավետ է, իսկ խոտածածկի որակը շատ լավն է: Ֆուտբոլիստների համար
դա կարևոր է”:
12.05.2011 
