Sky Sports-ը տեղեկացնում է, որ Լիվերուլը հետաքրքրված է Բավարիայի ֆուտբոլիստ Համիդ Ալթինթոփի ծառայություններով:

Ֆուտբոլիստն օրերս հայտարարել է, որ մտադիր չէ պայմանագիրը երկարաձգել մյունխենյան ակումբի հետ և ցանկանում է ֆուտբոլային իր կարիերան շարունակել Գերմանիայից դուրս: Նա նաև նշել էր, որ իրենով հետաքրքրված է Մադրիդի Ռեալը, որի հետ դեռևս որևէ պայմանագիր չի ստորագրել:

Սպասվում է, որ առաջիկա շաբաթվա ընթացքում պարզ կլինի, թե որ ակումբում կշարունակի ֆուտբոլային իր կարիերան Ալթինթոփը: