Նախորդ երեք կլասիկոներում գնդակին տիրելու կապտանռնագույնների առավելությունը հասնում է 71%-ի: 

Գվարդիոլայի ղեկավարության տակ գտնվող «Բարսելոնին» դեռ ոչ մի թիմի չի հաջողվել զրկել գնդակից`արդեն 175 խաղ: «Ռեալը» դա անելու մտադրություն չուներ, սակայն այս գիշեր ամեն ինչ փոխվելու է: Մոուրինյոն ստիպված է գործածել մրցակցին առանց գնդակ թողնելու ծրագիրը: Նախորդ երեք կլասիկոներում կատալոնցիները գնդակին տիրելու 71% առավելություն են գրանցել: 

«Բարսելոնի» ակնհայտ նպատակներից մեկը գնդակին տիրելն է: Այնպիսի ֆուտբոլիստներ, ինչպիսիք են Չավին, Ինյեստան ու Բուսկետսը ունակ են երկար ժամանակ տնօրինել գնդակը, որոշ հանդիպումներում դրան տիրելու առավելութոյւնը հասցնելով 80%-ի: Մինչ այսօր Մոուրինյոն նախըտրում էր պաշտպանողական մարտավարությունը, ինչի արդյունքում նախորդ երեք կլասիկոներում «Բարսելոնը» ստանում էր տարածքային առավելություններ`73,61% Չեմպիոնների լիգայի կիսաեզրափակչում, 72.2% Լա լիգայում և 69.18% Արքայական գավաթի եզրափակչում: 

Հաշվի առնելով այս խաղերի հաշիվները`«Ռեալը» ամենալավ արդյունքի հասել է այն խաղում, որում ավելի շատ է տիրել գնդակին: Հատկանշական է այն, որ այս խաղերից առաջ «Ռեալը» գլխավորում էր գնդակին տիրելու` Ուեֆայի կողմից ներկայացված ցուցակը: Իսկ այժմ առաջին հորիզոնականում են կապտառնագույնները`62%, որոնք գերազանցել են «արքայական» ակումբին 3 միավորով (59%):