|
Չեմպիոնների լիգայի կիսաեզրափակչի՝ Բարսելոնա-Ռեալ պատասխան հանդիպման
մրցավար է նշանակվել Ֆրանկ դե Բլեկերեն, ում կարելի է համարել Արքայական
ակումբի գլխավոր մարզիչ Ժոզե Մոուրինիոյի «սիրելիներից» մեկը:
Բանն այն է, որ դե Բլեկերեն «դատել» է նաև ՉԼ-ի անցյալ մրցաշրջանի
կիսաեզրափակիչ հանդիպումը՝ Բարսելոնայի և Ինտերի միջև: Հավանաբար բոլորդ
կհիշեք դրամատիկ այդ դիմակայութունը, երբ հանդիպման 28-րդ րոպեին, երկրորդ
դեղին քարտը ստանալու պատճառով, դաշտից հեռացվեց Տիագո Մոտան, ինչը խիստ
դժգոհությամբ ընդունվեց պորտուգալացի մասնագետի կողմից: Հիշեցնենք, որ այդ
հանդիպումն ավարտվեց 1-0 հաշվով, սակայն Ինտերը դուրս եկավ եզրափակիչ, քանի
որ Միլանում հաղթանակ էր տոնել 3-1 հաշվով:
Հիշեցնենք նաև, որ Մոուրինիոն, «Կամպ Նոու» մարզադաշտում կայանալիք
Բարսելոնա-Ռեալ հանդիպմանը չի կարող ղեկավարել իր թիմի գործողությունները
խաղադաշտից, քանի որ նախորդ հանդիպմանը ստացել է կարմիր քարտ:
|
