«Առաջին խաղակեսը լավ չանցկացրինք, սակայն երկրորդում խաղը ամբողջապես փոխեցինք»,-նշել է «Ռեալի» գլխավոր մարզիչը»:
Լա
լիգայի 34-րդ տուրի շրջանակներում «Սարագոսայից» կրած պարտությունից հետո
ժոզե Մոուրինյոն լրագրողներին հայտարարեց, որ իր թիմը ամեն ինչ արեց
հաղթելու համար: «Բոլորդ տեսաք, թե ինչպես երկրորդ խաղակեսում դաշտ հանեցի
այնպիսի ֆուտբոլիստների, որոնց խնայել էի Չեմպիոնների լիգայի կիսաեզրափակչի
համար` Դի Մարիային, Օզիլին, Մարսելոյին: Մենք արեցինք ամեն հնարավորը
հաղթանակի հասնելու համար»:
Ժոզե Մոուրինյոն շնորհավորեց
«Սարագոսային» հաղթանակի կապակցությամբ և վերլուծեց այդ արդյունքին
հասնելու նրանց նախադրյալները. «Նրանք պայքարում էին մեծ ուժերով, քանի որ
այս միավորները շատ կարևոր են Լա լիգայի առաջին դիվիզիոնում մնալու համար:
Ֆուտբոլում գիտակցական պատրաստությունը շատ մեծ դեր է խաղում, երբ թիմերից
մեկը մի նպատակով ու ձգտումով է խաղադաշտ դուրս գալիս, իսկ մյուսը`
բոլորովին այլ: Եթե մենք բավականաչափ նպատակադրված չենք ներկայացել
հանդիպմանը, ապա դա իմ մեղքն է. ես եմ մարզիչը: Սակայն վերջին տուրերում Լա
լիգայում անցկացրել ենք ավելի բարդ հանդիպումներ, օրինակ` «Վալենսիայի»
դեմ, և կարողացել ենք հիանալի հաղթանակ տոնել»:
Պորտուգալացի
մարզիչը այսպես վերլուծեց հանդիպումը. «Առաջին խաղակեսում լավ չխաղացինք,
սակայն ընդմիջումից հետո կարողացանք ամբողջովին փոխել խաղը: Երեք գնդակ
խփելու լավ հնարավորություն թողեցինք «Սարագոսայի» համար, իսկ հետո նրանք
սկսեցին փակ ֆուտբոլ խաղալ, ժամանակ ձգել: Բախտ… այդպես էլ չկարողացանք
երրորդ գոլը գրանցել: Շնորհավորում եմ նրանց»:
Մոուրինյոն ընդգծեց
նաև, որ մրցակցին ամենևին պետք չէ թերագնահատել, քանի որ արդեն ապացուցել
էին, որ կարող են հաջողության հասնել դժվար հանդիպումներում. «Այս թիմը
հաղթելու համար ուներ բավականաչափ որակներ: «Սարագոսան» 0-3 հաշվով հաղթել
էր Բիլբաոյում, 3-6 հաշվով` Վալենսիայում, այն խաղադաշտերում, որոնք
դասվում են ամենաբարդերի շարքին: Ոչինչ էլ չէի ուզում նվիրել
«Սարագոսային», ոչ էլ ցանակցած այլ մրցակցին: Դրանում համոզվեցիք, երբ
երկրորդ կեսում դաշտ հանեցի այնպիսի ֆուտբոլիստների, որոնց խնայել էի
Չեմպիոնների լիգայի կիսաեզրափակչի համար` Դի Մարիային, Օզիլին, Մարսելոյին:
Մենք արեցինք ամեն հնարավորը հաղթանակի հասնելու համար»:
Վերջում
Մոուրինյոն նշեց Ռոնալդուի բացակայության պատճառները. «Դա իմ որոշումն էր:
Կարող էի դաշտ հանել Իգուաինին, Բենզեմային, որոնք երկուսն էլ շատ ոգևորված
էին ու ցանկանում էին խաղալ: Իգուաինը դրա կարիքը շատ ունի նախկին
մարզավիճակը ձեռքբերելու համար»:
|
