15:35 14.05.2011

Ինչպես տեղեկացնում է Soccer.ru-ն' "Ինտերի" նախագահ Մասիմո Մորատին հերքել է լուրերն այն մասին, որ կամերունցի հարձակվող Սամուել Էտո'Օն կարող է տեղափոխվել անգլիական "Մանչեսթեր Սիթի", որը մինչև Չեմպիոնների լիգայի հաջորդ մրցաշրջանի մեկնարկը ցանկանում է ուժեղացնել իր կազմը:

"Ես մամուլում կարդացել եմ այդ մասին, ինչպես նաև' թե "Ինտերը" Իսպանիայում նոր ֆուտբոլիստներ է փնտրում: Այս ամենը չի համապատասխանում իրականությանը: Դա նորմալ է, երբ ինչ-որ մեկն ուզում է մեր ակումբի խաղացող ձեռք բերել: Բայց առաջարկվող գումարով դա անհնար է: Ես մտադիր եմ պահել թիմի ողջ կազմը",- Մորատիի խոսքերն է մեջբերում Sky Sport Italia-ն:

Լուսանկարը` intermilano.ru-ի: