15:00 
13.05.2011
Բլեքբեռնի կարգապահները նախազգուշացրել են «Մանչեսթեր Յունայթեդի» երկրպագուներին' փորձվեք միայն հայտնվել ուրիշի տրիբունայում...
Հիշեցնենք, որ Ռովերսն իր
դժգոհությունն էր հայտնել, որ շատ երկրպագուներ, ի նշան բողոքի, իրենց
տոմսերը վաճառում են «կարմիր սատանաների» աջակիցներին, այն էլ' այնպիսի
վճռորոշ հանդիպման նախօրեին, որտեղ կարող է պարզ դառնալ Անգլիայի
չեմպիոնական տիտղոսի հարցը:
Բլեքբեռնի ոստիկանական արևելյան
բաժանմունքի ղեկավար Ջոն Պատոկն ընդգծել է. «Ռովերսի» համար նախատեսված
մասում հայտնված «Յունայթեդի» երկրպագուները անմիջապես կհեռացվեն
մարզադաշտից: Ակումբի աշխատակիցները հանդիպման մեկնարկից առաջ իրենց
տրիբունաներում ստուգում են անցկացնելու, յուրաքանչյուրը կարող է հայտնվել
հսկողության տակ»:
«Բլեքբեռնի» հարկի տակ սպասվում է
հյուրերի մոտ 7000 երկրպագու: Միայն մեկ հարց է բաց մնում. ինչպես է
տարբերակվելու «Մանչեսթեր Յունայթեդի» երկրպագուն մյուսներից: Մի՞թե նրանք
առանձնահատուկ մարմնի կառուցվածք կամ դիմագիծ ունեն:
Լուսանկարը` foxsports.com-ի:
| 
