Այսօր տեղեկացրել ենք, որ Մադրիդի Ռեալը դիմել էր ՈՒԵՖԱ-ի կարգապահական կոմիտե և պահանջել, որպեսզի վերջինս որակազրկի Բարսելոնայի վեց ֆուտբոլիստների՝ ոչ մարզական պահվածքի պատճառով:

Football.ua-ն՝ հղում անելով Sport.es-ին և AS.com-ին, տեղեկացնում է, որ ՈՒԵՖԱ-ն արդեն անդրադարձել է Ռեալի դիմումին և մերժել նրանց պահանջը:

Հիշեցնենք, որ Արքայական ակումբը պնդում էր, թե Բարսելոնայի ֆուտբոլիստներ Դանի Ալվեշի, Բուսկետսի, Պեդրոյի, Կեյտայի, Պինտոյի և Վալդեսի պահվածքն ազդել է հանդիպման գերմանացի մրցավար Շտարկի կայացրած որոշումների վրա: Մասնավորապես նշվում էր, որ Պեպեի հեռացումն անարդարացի էր:

Հավելենք, որ Մոուրինիոյի հայտարարությունների վերաբերյալ, Բարսելոնայի բողոքը, ՈՒԵՖԱ-ն կքննարկի մայիսի 6-ին: