Վերջ, հանդիպումն ավարտված է` 2-2:

90+2 – Գագա Թբիլաշվիլին լավ փոխանցումով փորձեց հարվածային դիրք դուրս բերել Արտակ Հովհաննիսյանին, սակայն մրցավարը խաղից դուրս արձանագրեց:

90+1 – Համառ պայքար է դաշտի կենտրոնում:

90 – Մալաքյանը կրկին կորցնում է Փյունիկին հաղթանակ պարգևելու հնարվորությունը: Նա աջ եզրից Սարգիս Հովսեփյանից ստացավ գնդակը, փորձեց այն պտտեցնել դեպի հեռավոր վերին անկյունը, սակայն մի փոքր բարձր ստացվեց: Երեք րոպե է ավելացվել:

88 – Փյունիկն է հիմա գրոհում:

87 – Արոնյան – Գրիշչուկ 1/2 -1/2: Ափսոս էր

85 – Վարդան Բակալյաաաաաաաաաաաաաաաաաաան: Պատանի ֆուտբոլիստը մեն-մենակ էր դուրս եկել, սակայն կրկին հարձակվողի դեմ մենամարտում հաղթող դուրս եկավ Մայիս Ազիզյանը:

84 – Թիմերն այժմ մի փոքր հանգստացել են: Փոխարենն ակտիվ են արևելյան տրիբունայից Փյունիկին երկրպագող ֆուտբոլասերները:

81 – Մալաքյաաանը կորցնում է իր թիմին առաջ մղելու հնարավորությունը: Նա մեն-մենակ էր դուրս եկել դարպասապահի դիմաց, սակայն Մայիս Ազիզյանը կարողացավ փրկել Իմպուլսին:

78 – Քիչ առաջ խաղադաշտ մտած Ոսկանյանը հասցրեց դեղին քարտ ստանալ:

76 – Թիմերը կրկին միաժամանակ են կատարում փոփոխությունը: Փյունիկում Վարդան Բակալյանը փոխարինեց Էդգար Մանուչարյանին, իսկ Իմպուլսում Ալբերտ Հովակիմյանն իր տեղը զիջեց Տիգրան Ոսկանյանին:

74 – ԳՈՈՈՈՈՈՈՈՈՈՈՈՈՈՈՈՈՈԼ, Իմպուլս` 2-2: Ժուլիանոն տուգանայինի խաղարկումից հետո գլխի հարվածով հավասարեցնում է հաշիվը:

73 – Զավեն Բադոյանը փայլուն տեխնիկաց ուցադրեց ձախ եզրում: Նա մեծ արագությամբ շրջանցեց Սարգիս Հովսեփյանին ու Վարազադատ Հարոյանին, և Հայասաստանի հավաքականի ավագը միայն խախտման գնով կանգնեցրեց Բադոյանին: Հովսեփյանը զգուշացվեց:

70 – Անչափ վտանգավոր էր Փյունիկի հակագրոհը: Էդգար Մանուչարյանը հիանալի փոխանցումով գրոհի նետեց Գևորգ Ղազարյանին, սակայն Փյունիկի 10 համարի հարվածից հետո գնդակը դուրս եկավ աննշան շեղությամբ:

66 – Մեկական փոփոխություն թիմերի կազմում: Փյունիկում Հովհաննես Հովհաննիսյանին փոխարինեց Էդգար Մալաքյանը, իսկ Իմպուլսում Հովհաննես Գոհարյանի փոխարեն ասպարեզ դուրս եկավ Արտակ Հովհաննիսյանը:

61 – Տարոն Ոսկանյանին փոխարինում է Կամո Հովհաննիսյանը, որն անճանաչելի էր դարձել սափրած գլխի պատճառով:

56 – Փյունիկի առաջին փոփոխությունը: Արտակ Ալեքսանյանին փոխարինեց Գագիկ Պողոսյանը:

55 – Կրկին Գոհարյանն էր հայտնվել հարձակման կրակագծում: Տարոն Ոսկանյանի կողմից մրցավարը կանոնների խախտում չարձանագրեց, իսկ Գոհարյանի կենտրոնով հարվածաը շատ թույլ ստացվեց:

53 – Առաջին փոփոխությունը կատարում է Իմպուլսը: Բրազիլացի Էլթոնին փոխարնում է վրացի Թբիլաշվիլին: Էլթոնը միանգամից գնաց հանդերձարան և ոչ թե պահեստայինների նստարան:

53 – Ժուլիանո Խիմենեսն է զգուշացվում:

51 – Առաջին քիչ թե շատ վտանգավոր պահը Փյունիկի կողմից: Մարկոսը աջ թևում ազատվեց պաշտպանների հսկողությունից և հարվածեց դարպասին: Գնդակը կենտրոնով ուղիղ ընթացավ դեպի Ազիզյանը, որն էլ հանգիստ ֆիքսեց գնդակը:

49 – Էլթոնի գլխով հարվածից հետո գնդակը շարժեց ցանցը, սակայն հակառակ կողմից: Իմպուլսը շարունակում է ջանքեր գործադրել խաղը փրկելու համար:

48 – Կարեն Իսրայելյան վնասվածքի պատճառով էր խաղն ընդհատվել, սակայն այն այժմ վերսկսվել է:

47 – Ալբերտ Հովակիմյանն աջ եզրում հիանալի անցում կատարեց և գնդակը հասցեագրեց դեպի Նարեկ Դավթյանը, սակայն ավելի արագ գտնվեց փորձառու Սարգիս Հովսեփյանը և թույլ չտվեց, որպեսզի հարվածը կայանա:

46 – Երկրորդ կեսը սկսված է:

Վերադառնանք ֆուտբոլին` չմոռանալով երբեմն հայացք գցել նաև դեպի Կազան:

"Պիտի որ հաղթի”,- Սուրեն Բաղդասարյանի գնահատականն էր այս դիրքին: "Լավ չի”,- այսպես գնահատեց Խաչի Չախոյանը: Այո, ընդմիջմանը մեր ֆուտբոլային մեկնաբանների ուշադրության կետնրոնում Արոնյան – Գրիշչուկ երրորդ պարտիան է: "Հաղթանակ չկա այստեղ”,-  ունենք նաև Արմեն Նիկողոսյանի գնահատականը:

Առաջին կեսն ավարտված է:

43 – Տարոն Ոսկանյանն է վերջին պահին հասնում գնդակին ու գնդակը դուրս բերում անկյունային` թույլ չտալով Իմպուլսի ֆուտբոլիստ Նարեկ Դավթյանին հարված կատարել դարպասին:

41 – Իմպուլսի հերթական գրոհն ավարտվեց Աղվան Հայրապետյանի չափազանց անհաջող ու բարձր հարվածով:

40 – Հորիզոնական ձողն է փրկում Փյունիկին !!!!! Հովհաննես Գոհարյանը կարողցավ պահպանել գնդակը, երբ նրան շրջապատում էին Փյունիկի 4-5 ֆուտբոլիստներ և գնդակը հասցեագրեց ձախից միացած Բադոյանին, որի հարվածից հետո էլ Կարեն Իսրայելյանին օգնության հասավ հորիզոնական ձողը:

35 – Իմպուլսի ֆուտբոլիստներն աստիճանաբար փորձում են ավելի մեծ ճնշում գործադրել Փյունիկի դարպասի վրա` հավատալով, որ կարող են գոլ խփել:

32 – Հիմա էլ Գոհարյանն է իր դժգոհությունն արտահայտում մրցավարի որոշումից, երբ Յուսպաշյանը իրենից խլեց գնդակը:

30 – Արտակ Ալեքսանյանի նկատմամբ մրցավարը դաշտի կենտրոնում կանոնների խախտում արձանագրեց, իսկ Արմեն Գյուլբուդաղյանցը չափազանց հուզական արձագանքեց մրցավարի այդ որոշմանը:

27 – ԳՈՈՈՈՈՈՈՈՈՈՈՈՈՈՈՈՈՈԼ, Իմպուլս` 2-1: Հովհաննես Գոհարյանը, մրցակցի տուգանային հրապարակում ստանալով գնդակը, վստահորեն խաբս տվեց Փյունիկի պաշտպանին և պտտեցրաց հարվածով գրավեց Կարեն Իսրայելյանի պաշտպանած դարպասի հեռավոր անկյունը:

26 – Իմպուլսի ֆուտբոլիստները փորձում են հավասարեցնել խաղը, սակայն չի երևում, թե ինչի հաշվին նրանք կարող ենք փրկել խաղը:

23 – Գնդակը շարունակում է մնալ Իմպուլսի կիսադաշտում: Փյունիցիները ոչ միայն ակտիվ գրոհում են, այլև գնդակը կորցնելու դեպքում արագորեն պրեսսինգի օգնությամբ խլում են գնդակը:

21 – Կրկին թեժ է դիլիջանցիների դարպասի մոտ: Մանուչարյանի աջ եզրց կատարած հիանալի անցումից հետո Իմպուլսի պաշտպանները կարողացան դժվարությամբ հեռացնել գնդակը:

19 – ԳՈՈՈՈՈՈՈՈՈՈՈՈՈՈՈՈՈՈՈԼ, Փյունիկ` 2-0: Մարկոսն է մաքրում Գևորգ Ղազարյանի կոշիկները վերջինիս փոխանցումից հետո դարպասը գրավելուց հետո:

17 – Իմպուլսի պաշտպանների անհաջող խաղի արդյունքում Մարկոսը խլեց գնդակը և հայտնվեց հարվածային դիրքում: Մայիս Ազիզյանը բռունցքներով հեռացրեց գնդակը:

16 – Գևորգ Ղազարյանը փորձեց հեռու տարածությունից գրավել դարպասը… շեղ էր:

13 – Փյունիկի ֆուտբոլիստները խփած գոլից հետո տիրում են նախաձեռնությանը:

8 – ԳՈՈՈՈՈՈՈՈՈՈՈՈՈՈՈՈԼ, Փյունիկ` 1-0: Էդգար Մանուչարյանն աջ եզրից ներխուժեց մրցակցի տուգանային հրապարակ և գրավեց մոտակա ներքին անկյունը:

5 – Իմպուլսի ֆուտբոլիստներն են ակտիվություն ցուցաբերում մեկնարկում: Նարեկ Դավթյանն աջ թևից փորձեց մտնել մրցակցի տուգանային հրապարակ, բայց Փյունիկի պաշտպաններն ուշադիր էին:

1 – Հանդիպումը սկսված է: Բարև Ձեզ, հարգելի ընթերցողներ: Սկսում ենք մեր ուղիղ տեքստային հեռարձակումը Հայաստանի առաջնության ութերորդ տուրի Փյունիկ – Իմպուլս խաղից:

	ՓՅՈՒՆԻԿ		ԻՄՊՈՒԼՍ
31.	Կարեն ԻՍՐԱՅԵԼՅԱՆ	1	Մայիս ԱԶԻԶՅԱՆ
4.	Սարգիս ՀՈՎՍԵՓՅԱՆ	2	Ռոման ՀՐԿՈՒՇԱ
3.	Վրազդատ ՀԱՐՈՅԱՆ	15	Էդուարդ ԿԱԿՈՍՅԱՆ
33	Տարոն ՈՍԿԱՆՅԱՆ	5	ՋՈՒԼԻԱՆՈ Խիմենես
17.	Արտակ ԵԴԻԳԱՐՅԱՆ	6	Վաչիկ ԵՂԻԱԶԱՐՅԱՆ
15.	Արթուր ՅՈՒՍՊԱՇՅԱՆ	23	ԷԼԹՈՆ Կարդոսո
19.	Արտակ ԱԼԵՔՍԱՆՅԱՆ	4	Աղվան ՀԱՅՐԱՊԵՏՅԱՆ
13.	Էդգար ՄԱՆՈՒՉԱՐՅԱՆ	10	Նարեկ ԴԱՎԹՅԱՆ
10.	Գևորգ ՂԱԶԱՐՅԱՆ	25	Ալբերտ ՀՈՎԱԿԻՄՅԱՆ
8.	Պիզզելի ՄԱՐԿՈՍ Պինեյրո	17	Զավեն ԲԱԴՈՅԱՆ
27.	Հովհաննես ՀՈՎՀԱՆՆԻՍՅԱՆ	9	Հովհաննես ԳՈՀԱՐՅԱՆ
	Պահեստայիններ		Պահեստայիններ
22	Արսեն ՊԵՏՐՈՍՅԱՆ	12	Գոռ ԷԼԱԶՅԱՆ
2	Արման ՀՈՎՀԱՆՆԻՍՅԱՆ	22	Գագա ԹԲԻԼԱՇՎԻԼԻ
5	Կամո ՀՈՎՀԱՆՆԻՍՅԱՆ	77	Արթուր ԲԱՐՍԵՂՅԱՆ
99	Գագիկ ՊՈՂՈՍՅԱՆ	24	Հայկ ՉԻԼԻՆԳԱՐՅԱՆ
14	Ղուկաս ՊՈՂՈՍՅԱՆ	8.	Վահագն ԱՅՎԱԶՅԱՆ
9	Էդգար ՄԱԼԱՔՅԱՆ	14	Արտակ ՀՈՎՀԱՆՆԻՍՅԱՆ
88	Վարդան ԲԱԿԱԼՅԱՆ	7	Տիգրան ՈՍԿԱՆՅԱՆ
ԳՄ	Վարդան ՄԻՆԱՍՅԱՆ	ԳՄ	Արմեն ԳՅՈՒԼԲՈՒԴԱՂՅԱՆՑ